विश्व प्रसिद्ध कलाकारहरु कतार आउँदै

कतारको पर्यटक गन्तव्यको विकास गर्न राष्ट्रिय टुरिजम काउन्सिल र कतार एयरवेजको संयुक्त आयोजनामा अर्को महिना विश्व प्रसिद्ध कलाकारहरु कतार आउने पक्का भएको छ । 

डिसेम्बर ५ देखि आयोजना हुने विश्व तथा अरब संगीत फेस्टिभलमा प्रस्तुती दिन गायिका केटि पेरी , मरुन फाइभ समूह , चेब खलिद , यारा र फहद अल कुबैसी कतार आउँदै छन् ।

पप आइकन केटि पेरीले डिसेम्बर १५ मा प्रस्तुती दिदैछिन । त्यस्तै अमेरिकन पप रक समूह मरुन फाइभले डिसेम्बर १९ मा स्तेज तताउनेछ । समुहको “मेमोरिज” नामक गीतले यतिबेला सम्पुर्ण म्युजिक चार्टको नम्बर १ मा कब्जा जमाइरहेको छ । सबै कलाकारको कार्यक्रम दोहा एक्जिबिसन सेन्टरमा हुनेछ । कार्यक्रम हेर्न टिकटको मूल्य ३९५ देखि ७९५ कतारी रियाल बिच रहेको छ ।