सबै ठाँउमा मास्क अनिवार्य

कोरोनाभाइरसको संक्रमण फेरि फैलिए संगै कतारले सबै स्थानमा मास्क अनिवार्य गरेको छ।

खुला ठाउँमा खेलकुद अभ्यास गर्ने व्यक्तिहरू बाहेक सबै बन्द तथा खुला सार्वजनिक स्थानमा अनिवार्य मास्कको नियम हिजो शुक्रबारदेखि लागू भएको हो । गएको बुधबार बसेको मन्त्रिपरिषद्को बैठकले कोभिड–१९ को सङ्क्रमण फैलिन नदिन यस्तो निर्णय गरेको हो ।

त्यस्तै खुला स्थानमा हुने सम्मेलन, प्रदर्शनी र कार्यक्रम स्थलमा पुरा क्षमताको ७५ प्रतिशत र बन्द स्थानमा ५० प्रतिशत भन्दा बढी मानिस जम्मा हुन रोक लगाइएको छ ।

मन्त्रालयको अनुसार ६ वर्ष भन्दा मुनिका बालबालिकालाई मात्र मास्कको नियम बाट छुट गरिएको छ ।