सिएफसी फुटबल : पेट्रो र हिप्पिज ब्रो सेमिफाइनलमा
सिएफसी दोस्रो नकआउट फुटबल प्रतियोगिता अन्तर्गत दुई टिम सेमिफाइनलमा प्रवेश गरेको छ ।
शुक्रबार सिएफसी रेड र हिप्पिज ब्रो क्लब बिच भएको पहिलो खेल निर्धारित समय १ – १ को बराबरीमा सकिएपछि खेल पेनाल्टी सुटआउटमा पुगेको थियो । पेनाल्टीमा हिप्पिज ब्रो क्लबले खेल ४-२ गोल अन्तरले जित्न सफल भयो । खेलको म्यान अफ द म्याच विजेता टिमका गोलरक्षक साँझ अर्यालले पाएका थिए ।
शुक्रबार नै भएको दोस्रो खेलमा पेट्रो क्लबले क्युएन एफसी माथी शुन्यका विरुद्ध ५ गोलको सहज जित निकालेको छ । पेट्रोको जितका लागि सागर केसीले दुई , आर्यान थापले दुई र सन्जोग खड्काले एक गोल गरेका थिए । खेलको म्यान अफ द म्याच पेट्रोका आर्यान थापाले पाएका थिए ।
प्रतियोगिताको तेस्रो र चौथो क्वाटरफाइनल खेल आउने शुक्रबार हुँदैछ । शुक्रबार युवाईएफसी विरुद्ध नाइन स्टार र सिएफसी ब्लु विरुद्ध राईजिङ स्टारले प्रतिस्पर्धा गर्दैछन् ।
