सुन सहित चार जना पक्राउ

त्रिभुवन अन्तर्राष्ट्रिय विमानस्थलको भन्सार प्रहरीले सुन सहित चार जनालाई पक्राउ गरेको छ ।

कतार एयरवेजको उडानद्वारा हिजो दोहाबाट काठमाण्डौं आगमन भएका ती यात्रुहरुको गतिविधि शंकास्पद देखिएपछि प्रहरीले नियन्त्रणमा लिई सोधपुछ खानतलासी गरेको थियो ।

हाल नेपाल जाँदा व्यक्तिगत प्रयोगको लागि ५० ग्राम सम्मको गहना सुन निशुल्क लान पाइन्छ ।

प्रहरीले अर्जुन राईको साथबाट ७० ग्रामको सुनको सिक्री ,भुपेन्द्र बिष्टको साथबाट ७० ग्रामको सुनको सिक्री र महेन्द्र ठाकुरको साथबाट ७५ ग्रामको सुनको ब्रासलेट बरामद गरेको छ ।

भन्सार छली गरेको अवस्थामा ल्याईएको सुन लिन आउने धादिङका गणेश मल्ललाई समेत प्रहरीले विमानस्थलको आगमन गेट बाट पक्राउ गरि आवश्यक कारबाहीको लागि हिरासतमा राखेको छ ।