५० औं अमिर कपको उपाधि दुहेलले जित्यो

अल दुहेल क्लबले ५० औं अमिर कपको उपाधि जितेको छ ।

खलिफा रंगशालामा हिजो भएको एक पक्षिय फाइनल खेलमा दुहेलले घराफा क्लबलाई ५ – १ को भारी गोल अन्तरले हराएको हो ।

दुहेलको जितको लागि ई जुनियरले ५ , ओलुङाले १८, कप्तान अल्मोइज अलिले ५२, सस्सीले ५८ र मुस्तफाले ८५ औं मिनेटमा गोल गरेका थिए । यता दुहेलको लागि एक मात्र सान्त्वना गोल अल्लैल्दिनले खेलको ५३ औं मिनेटमा गरेका थिए ।

अमिर कप प्रतियोगिताको इतिहासमा दुहेलको यो तेस्रो उपाधी हो । कलबले सन् २०१८ र २०१९ को प्रतियोगिता जितिसकेको छ ।

प्रतियोगिताको समापन गर्न अमिर शेख तमिम बिन हमाद अल थानी र फिफाका अध्यक्ष जियानी इन्फाटिनाे खलिफा रंगशाला पुग्नुभएको थियो ।