इदमा सबिन राई एण्ड द फ्यारोह कतार आउने

कतारमा धेरै समयपछि नेपाली रक ब्याण्डको प्रस्तुति हुने भएको छ।

नेपालको सबैभन्दा लोकप्रिय तथा व्यस्त ब्यान्ड सबिन राई एण्ड द फ्यारोहले पहिलोपटक दोहामा लाइभ प्रस्तुति दिने भएका छन्।

ईदको अवसरमा आयोजना गरिने यो कार्यक्रम अर्माने-एक्स लाउन्ज एण्ड बारमा हुनेछ। कार्यक्रम जून १६ या १७ (इदको दोस्रो दिन ) मा साँझ ४ बजेबाट सुरु हुनेछ।

कार्यक्रममा ब्यान्डले गुराँसको फेद मुनि, तिमि नै हौ ,समर्पण , धन्यवाद ,मा संसार जित्ने,बेईमानी लगायत आफ्नो चर्चित गीतहरू प्रस्तुत गर्नेछन्। कतारमा रहेका नेपाली संगीतप्रेमीहरूलाई गायक साबिन राई र ब्यान्डसँग प्रत्यक्ष भेटघाट गर्ने र लाइभ प्रस्तुति हेर्ने मौका कार्यक्रममा हुनेछ ।

कार्यक्रमको हेर्न सिमित टिकट पुरुषको लागि एक सय र महिलाको लागि पचास रियाल तोकिएको छ।

कार्यक्रमको संयोजन रोशन अर्यालले गरेका छन् । कार्यक्रम बारे थप जानकारीका लागि फोन नम्बर ७०६६५६४४ मार्फत सम्पर्क गर्न सकिन्छ। कार्यक्रमको स्थान ग्राण्ड रिगल होटेल, एम. फ्लोर (सना सिग्नल नजिक) मा रहेको छ ।।