नेपाल राजदूतावास कतार द्वारा राहत बितरणको जिम्मा एनआरएन लाई

कतार स्थित नेपाली राजदूतावासले शुक्रबार २२ मे देखी कोरोना प्रभावित हरु लाई राहत बितरण गर्ने जिम्मा गैर आवासिय नेपाली संघ दोहा कतार लाई सुम्पिएको छ ।

राहत  बितरण कार्यक्रम लाई चुस्त र अझ प्रभाबकारी बनाउन का लागि एक द्वार नीति अपनाइएको दूतावास ले जनाएको छ । हिजो एक सुचना जारी गर्दै दूतावासले राहत बाट कोहि नछुटुन र कोहि नदोहोरिउन भन्ने उद्देश्यले राहत बितरण र कार्यन्वयन को जिम्मा संघ लाई दिइएको जनाएको हो ।

74449592 50129900 70909722 यो महामारीमा खानालाई समस्या भए अहिले नै सम्पर्क गर्न सकिनेछ ।  त्यस्तै खाद्यान्नको समस्या भएमा विवरण भरौं । गैर आवासिय नेपाली संघ,राष्ट्रिय समन्वय परिषद कतार

अबधी भर दूतावास र गैर आवासिय नेपाली संघ संगै अन्य समाजिक संघ संस्था ले पनि राहत बितरण गर्ने गरेका थिए ।  हिजो बाट राहत बितरण को सम्पुर्ण जिम्मा गैरअवासिय नेपाली संघ लाई दिइएको र दूतावासले संरक्षक तथा सहजकर्ता को भुमिका निर्वाह गर्ने दूतावासले जनाएको छ ।  साथै दूतावासले ६ बुदे अपिल जारि गर्दै सोहि बमोजिम राहत कार्यक्रम मा सहभागी हुन पनि आग्रह गरेको छ ।

दूतावासले जारी गरेको ६ बुदे अपिल :-

१. कतारमा रहेका सम्पूर्ण नेपाली संघसंस्था तथा इच्छुक व्यक्तिहरूले राहत खाद्य सामग्रीको लागि गैह्रआवासीय नेपाली संघ कतारलाई यथाशक्य सहयोग गरिदिनुहुन तथा राहत वितरणका लागि स्वयंसेवीहरू उपलब्ध गराइदिनुहुन राजदूतावास हार्दिक अनुरोध गर्दछ । सहयोगकर्ता व्यक्ति वा संस्थाले चाहेमा दूतावासलाई समेत आफूले गरेक सहयोगको जानकारी दिन सक्नुहुनेछ ।

२. आवश्यकता अनुरूप कतारी दाता संस्था वा व्यक्तिहरूबाट राहत खाद्य सामग्री प्राप्त गर्न राजदूतावासले गैह्रआवासीय नेपाली संघ कतार सङ्ग पनि समन्वय गरि सहजीकरण गर्नेछ ।

३. राहत खाद्य सामग्री भण्डारणका लागि राजदूतावासले आवश्यक सहयोग गर्नेछ ।

४. राहत सामग्री वितरणका लागि समन्वय गर्न राजदूतावासको तर्फबाट एकजना प्रतिनिधिलाई समावेश गरिनेछ ।

५. गैह्रआवासीय नेपाली संघ कतारले आवधिक रूपमा राहत खाद्य सामग्री संकलन तथा वितरणको विवरण सार्वजनिक गर्नेछ । यसैगरी राहत खाद्यसामग्री प्राप्त गर्ने व्यक्ति तथा वहाँहरूलाई परेको समस्याको यथाशक्य उपलब्ध जानकारी सहितको नामावली दूतावासलाई पनि उपलब्ध गराउनेछ ।

६. यसरी प्राप्त समस्यासहितको सूचिको आधारमा राजदूतावासले नेपालीहरूलाई परेका विभिन्न समस्याका समाधानका लागि नेपाल र कतार सरकारका सम्बन्धित निकाय तथा रोजगारदाता वा अन्य सम्बन्धित पक्षहरूसँग समन्वय गर्नेछ ।