कृषिमा काम गर्न जापानले वैदेशिक कामदार भित्र्याउने
जापान सरकारले सोमबार कृषिक्षेत्रमा काम गर्न वैदेशिक कामदार भित्र्याउने निर्णय गरेको छ। सरकारले तोकेको निश्चित कृषि फारममा काम गर्नकालागी वैदेशिक कामदार भित्र्याउने निर्णय गरेको हो। ‘बढदो जनसँख्यासँगै कृर्षि क्षेत्रमा देखिएको दक्ष कामदारको अभावलाई पुर्ति गर्न सरकारले वैदेशिक कामदार भित्र्याउने निर्णय गरेको’ जापानका प्रधानमन्त्री सिन्जो आबीले बताएका छन्।
कृषि सम्वन्धी सरकारले तोकेको क्षमता दक्षता भएका कुनै पनि देशका नागरिकले जापानको कामदार भिसा पाउन सक्ने छन्। कृषि बिज्ञान बढेका र जापानीज भाषा बोल्न जान्नेलाई बढी प्राथमिकता दिने समेत सरकारले बताएको छ।
कृषिमा काम गर्न आउने वैदेशिक कामदारलाई सरकारले अन्य जापानीज कामदार सरह तलब भत्ता दिने समेत बताएको छ। सरकारले सन १९९३ देखि बिभिन्न मुलुकबाट कामदार भित्र्याउने गरेको भएपनि कृषिसम्वन्धी काममा दक्षता नभएका कामदारहरुलाई भित्र्याएको भन्दै सरकारको आलोचना हुँदै आएको थियो।
via – SETOPATI