जस्टिन बीबर भारत आउँदा सुरक्षामा ५ सय बढि प्रहरी

हलिउडका चर्चित गायक जस्टिन बीबर बुधबार हुने म्युजिकल कन्सर्टको लागी भारत आउँदैछन् । उनी पहिलो पटक भारत आउँदै गरेका हुन् । जुन कारणले यतिबेला भारतिय संगीत प्रेमीको सामाजिक सञ्जाल अनि मिडियाहरु उनकै चर्चाले भरिएका छन् । भोली मुम्बईमा हुन लागेको कन्सर्टको लागी तयारी पुरा हुँदा नयाँ खबर आएको छ कि जस्टिनलाई सुरक्षामा मुम्बई सरकारले पाँच सय बढि सुरक्षाकर्मी परिचालन गर्नेभएको छ ।

यो बाहेक सिभिल ड्रेसका प्रहरी समेत छुट्टै परिचालन गर्ने समेत बताईएको छ । ‘जस्टिन बीबर पर्पोज वर्ल्ड टुर’ नाम दिईएको कन्सर्टमा उनले प्रस्तुती दिनेछन् । जहाँ ४५ हजार बढि दर्शक सहभागी हुने बताईएको छ । जस्टिनको सुरक्षामा परिचालन हुन लागेका प्रहरीको संख्यालाई कुनै पनि विदेशी कलाकारको लागी प्रयोग भएकामा धेरै भनिएको छ ।