निखिल ‘कमिटमेन्ट सिक्स्टी आवर्स’ निर्माण गर्दै

अधिकांश छायांकन मुम्बईमा हुने भनिएको फिल्मलाई उत्तर प्रदेश, मध्य प्रदेश, काठमाडौं, नेपाल भारत सिमाना, थाईल्याण्ड, सिंगापुर र अमेरिकामा पनि खिचिनेछ । मुम्बईमा अतपत्र परेकी एक युवतीको उद्धार गर्दै गाडीकै माध्यमबाट भारतिय नाका कटाएर नेपाल फर्काउने कथा नै फिल्मको मुख्य विषयवस्तु रहने निखिलले बताए ।

निखिलले भनेका छन्, ‘कमिटमेन्ट विसुद्ध नेपाली फिल्म बन्नेछ, पछिल्लो पुस्ताका दर्शकको चाहनालाइ मध्यनजर गरेर उत्कृष्ट फिल्म बनाउनमा कुनै कसुर बाँकी राख्नेछैन।’ यो फिल्ममा एक्सन डिजाईनिङको काम पनि निखिलले नै गर्दैछन् । अर्को महिना ‘जुन ५’ देखि फिल्म मुम्बईबाट फ्लोरमा जानेछ ।

सौरभ लामाले खिच्ने फिल्ममा डा. कृष्णहरी बरालले लेखेका शब्दहरु समावेश गीतमा संगीत एड्रिन प्रधानको रहनेछ । चार गीत समावेश हुने भनिएको फिल्मको एक गीतमा भारतिय संगीतकारले म्युजिक कम्पोज गर्ने बताईएको छ । निखिल उप्रेती प्रोडक्सनको लागी यो फिल्म दोश्रो प्रोजेक्ट हो । उक्त व्यानरमा यसअघि ‘रुद्र’ नामको फिल्म तयार भइसकेको छ । ‘रुद्र’ आउँदो श्रावण २० मा रिलिज हुँदैछ ।