गोरखा सेवा समाज कतारले फेब्रवरी १७ मा वनभोज तथा सांस्कृतिक कार्यक्रम गर्ने

ध्रुब क्षेत्री/दोहा, गोरखा सेवा समाज कतारले नँया वर्ष २०१७ को अवसर पारेर वनभोज तथा सांस्कृतिक कार्यक्रम गर्ने भएको छ । कतारमा कार्यरत चर्चित नेपाली कलाकारहरुको प्रस्तुतीमा भव्य रुपमा हुन लागेको कार्यक्रम सहानिया स्थित अल दोषरी पार्कमा आयोजना हुने आयोजक पक्षले जनाएको छ ।

हरेक वर्ष जस्तै संस्थाले आफ्नो स्थापना दिवस पारेर गएको डिसेम्बर १८ मा नै नेपालका ख्याती प्राप्त कलाकार बिरही कार्की र मुना थापा मगर को भव्य उपस्थितीमा कार्यक्रमको तय गरेको थियो । तर सिरिया राष्ट्रको अलेप्पो शहरमा भईरहेको हिंशा बिरुद्ध एक्यबद्धता जनाउन त्यस दिन हुने सबै मनोरन्जन का कार्यक्रमहरु रद्ध गर्न कतार सरकारको आदेश पछि कार्यक्रम स्थगित भएको थियो ।

अगामी फेब्रवरी १७ तारिक शुक्रबारका दिन हुने कार्यक्रमका लागी टिकट शुल्क ४० कतारी रियाल तोकिएको छ भने कार्यक्रम विहान १०ः३० बजे अल दोषरी पार्क (सहानिया) मा  सुरु हुनेछ । साथै सैलिया,सनैया ४७,दोहा,मुन्ताजा पार्क जस्ता स्थानहरु बाट संस्थाले सवारी साधनको ब्यवस्था समेत गरेको छ ।

सवारी साधन तथा अन्य जानकारीका लागी :
संस्थाका अध्यक्ष सुर्दशन भट्ट ३३१६६९७७
उपाध्यक्ष राकेश श्रेष्ठ ५५९९७५३९,दिपक लामीछाने ५५७७४६४
महासचिव राजेश्वर ढकाल ७७९४३२९७

कतारका अरु धेरै  समाचारहरुका लागि, तल हाम्रो फेसबूकमा लाईक गरी हामी सँग जोडीनुहोस ।