बिहीवार थप ५८७ जनामा संक्रमण, आज पनि फेरी तीनको मृत्यु
आज मार्च २५ तारिख बिहीवार कतारमा थप ५८७ जनामा कोरोना भाइरसको संक्रमण देखिएको छ ।
देशभरका प्रयोगशालामा १२ हजार ४६० जनाको नमुना परीक्षण गर्दा ५८७ जनामा संक्रमण पुष्टि भएकोछ भने ३२७ जना निको भएका छन् त्यस्तै आज पनि थप तीन ७६, ७९ र ९२ बर्षिय नागरिकको मृत्यु भएको जानकारी स्वास्थ्य मन्त्रालयले दिएको छ ।
आज भाइरस देखिएका मध्ये ४८३ जना स्थानीय र १०४ जना अन्य मुलुक बाट कतार आएकाहरु हुन् । यो संगै हालसम्म कतारमा भाइरस संक्रमण पुष्टि भएको कुल संख्या १,७५,९१९ पुगेको छ ।
आज पनि तीनको मृत्यु भए संगै कतारमा हालसम्म भाइरस बाट ज्यान गुमाउनेको संख्या २७८ बाट २८१ पुगेको छ भने हालसम्म कतारमा निको हुनेको संख्या १,६१,८१५ रहेको छ ।
जनस्वास्थ्यका मापदण्ड पालना नगर्नेको संख्या बढ्दै गएको र पछील्लो समय बेलायत साउथ अफ्रीका बाट सुरुभएको नयाँ दोश्रो लहरका भाईरसका कारण अन्य मुलुकमा झैं कतारमा पनि संक्रमण दर पुनः उच्च हुँदै गएकाले जनस्वास्थ्यविद्हरु बताएका छन् । त्यसैले भोली शुक्रवारबाट लागुहुने गरी प्रतिवन्ध थपिएको छ ।
कस्तो छ २४ घण्टा भित्रकाे तथ्यांक ?
अस्पताल भर्ना हुने – २०१ जना
अस्पतालमा उपचार भैरहेकाको कुल संख्या – १२९१ जना
आईसीयुमा भर्ना हुने – ३० जना
आईसीयुमा उपचार भैरहेकाको कुल संख्या – २३३ जना
आज सम्म जाँच भएको संख्या – १६,९४,४६३ जना
अझै निको हुन बाँकीको संख्या : १३,८२३ जना पछील्लो समयलाई हेर्दा यो संख्या धेरै हो ।
आज खोप लगाइएको सँख्या : २०,९५३
हालसम्म खोप लगाइएको कुल सँख्या : ६७,९२७८
कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।