एक्सचेन्ज घरहरु आज देखि खुल्ने
करिब डेढ महिना देखि बन्द रहेका मनी एक्सचेन्ज घरहरु आज देखि खुल्ने भएको छ । सरकारले कोरोना भाइरस विरुद्ध चालिरहेको सफल प्रभावकारी कदमहरु संगै जनताको आवश्यकतालाई ध्यानमा राखेर आज देखि देशभरका सम्पुर्ण एक्सचेन्जहरु खुल्न दिने उद्योग तथा वाणिज्य मन्त्रालयले बताएको छ ।
Ministry of Commerce and Industry has decided to reopen money exchange service offices with the mandatory application of precautionary measures as of Tuesday May 12. #QNA
— Qatar News Agency (@QNAEnglish) May 11, 2020
तर त्यसका लागि भने केही नियमहरुको पालना गर्न/गराउन पर्ने स्वास्थ्य मन्त्रालयले जनाएको छ ।
१. अनिवार्य रुपमा मास्कको प्रयोग गर्नुपर्ने ।
२. ग्राहकको शरीरको तापक्रम जाँच गर्नुपर्ने ।
३. भिड बनाउन नपाउने ।
४. एक्सचेन्जमा काम गर्ने कामदारलाई दिनको ओभर टाईम सहित ८ घण्टा भन्दा बढी काममा लगाउन नपाउने ।
पैसा पठाउने ग्राहक र कामदारले आवश्यक नियम पालना गरेको/नगरेको जिम्मा एक्सचेन्ज घरको मुख्य कर्मचारीले लिनु पर्नेछ । साथै नियम उल्लंघन गरेको पाईएमा कानुन बमोजिम कारबाही गरिने मन्त्रालयले जनाएको छ ।
