कतारमा पनि हुने भयो ‘झ्यानाकुटी’

नायिका निशा अधिकारी र निर्देशक सिमोस सुनुवारको लगानीमा निर्माण भएको चलचित्र ‘झ्यानाकुटी’ कतारमा पनि प्रदर्शन हुने भएको छ। सौगात मल्ल र बेनिशा हमाल मुख्य भुमिका रहेको चलचित्र यही नोवेम्बर २३ तारिक बिहीबार राती ८ बजे र २४ तारिक शुक्रबार बेलुकी ६ बजे ग्राण्ड मल स्थित एसियन टाऊन् सिनेमा प्रदर्शनमा आउने भएको हो।

गाउँको परिवेशमा निर्माण भएको चलचित्रमा एक गाउँले जोडीको प्रेम र बिवाहपछिको घटनालाई देखाईएको छ । सामान्य परिवारका ८ महिनाका छोरासहितको श्रीमान्–श्रीमतीबीच शंकाको भरमा भएको झगडाले निम्त्याउने परिणाममा यो चलचित्र केन्द्रित रहेको छ। आलु प्रोडक्सनको प्रस्तुतीमा निर्माण भएको यो कमेडी चलचित्रलाई प्रदीप भारद्धाजले लेखेका छन् ।

शुक्रबारबाट नेपालमा प्रदर्शनमा आएको फिल्म झ्यानाकुटीले नेपाली दर्शकको सकारात्मक प्रतिक्रिया पाउदै करोड क्लबमा समेत प्रवेश गरिसकेको छ। झ्यानाकुटीमा पुष्कर गुरुङ, कृष्णभक्त महर्जन, जीवन भट्टराई, सुमी मोक्तान लगायतको पनि पनि अभिनय रहेको छ ।