भारतीय चर्चित अभिनेता शशि कपुरको निधन

चर्चित भारतीय अभिनेता शशि कपुरको निधन भएको छ । ७९ वर्षीय कपुर लामो समयदेखि अस्वस्थ्य थिए । उनको सोमबार साँझ ५ बजेर २० मिनेटमा कोकिलाबेन अस्पतालमा निधन भएको चिकित्सकलाई उदृत गर्दै भारतीय सञ्चारमाध्यमहरुले जनाएका छन् ।

नाटक शंकुलताबाट आफनो कालाकारिता सुरु गरेका उनको पहिलो फिल्म आग नामक थियो । उनको अभिनय रहेको बिरादरी, चोरी मेरा काम, फाँसी ,शंकर दादा, चक्कर पे चक्कर, कभी कभीलगायत फिल्म चर्चित भएका थिए ।

उनको दिवार नामक सुपरहित फिल्मको डाइलग मेरे पास माँ है निकै चर्चित भएको थियो । उनका कुणाल, करन र सञ्जना गरी तीन सन्तानन रहेका छन् भने श्रीमतीको यसअघि नै निधन भइसेकेको छ ।