क्रिस्टियानो रोनाल्डोको च्याम्पियन्स लिगमा अर्को रेकर्ड
स्पेनिस क्लब रियल म्याड्रिडका पोर्चुगिज फरवार्ड क्रिस्टियानो रोनाल्डोले युरोपियन च्याम्पियन्स लिगमा अर्को रेकर्ड बनाएका छन्।
बुधबार राति च्याम्पियन्स लिगअन्तर्गत जर्मन क्लब बोरुसिया डर्टमुन्डविरुद्ध गोल गर्दै रोनाल्डोले नयाँ रेकर्ड बनाएका हुन्। योसँगै रोनाल्डोले समूह चरणमा सबै प्रतिद्वन्द्वी विरुद्ध गोल गर्ने रेकर्ड बनाए।
डर्टमुन्डलाई ३–२ गोलले पराजित गर्ने क्रममा रोनाल्डोले खेलको १२ मिनेटमा गोल गरेका थिए। यसअघि रोनाल्डोले समूह चरणमा टोटनह्याम र निकोसियाविरुद्ध पनि गोल गरेका थिए।
रोनाल्डो च्याम्पियन्स लिगमा सबैभन्दा बढी गोल गर्ने खेलाडी समेत हुन्। उनले अहिलेसम्म १ सय १४ गोल गरिसकेका छन्। बढी गोल गर्ने खेलाडीको सूचीमा दोस्रो स्थानमा रहेका लिओनल मेसीले ९७ गोल गरेका छन्।
रोनाल्डोले रेकर्ड बनाएपनि रियल समूह ुएचु को उपविजेतामै सीमित बन्यो। बुधबार नै भएको अर्को खेलमा टोटनह्यामले निकोसियालाई ३–० ले पराजित गरेको छ। टोटनह्यामले १६ अंक जोड्यो भने रियलले १३ अंक बटुल्यो। डर्टमुन्ड भने २ अंकमै सीमित बन्यो।
