३२ जिल्लामा मतगणना सुरू, अधिकांश ठाउँमा भोलि गणना हुने

दोस्रो चरणको  प्रदेश तथा प्रतिनिधिसभा निर्वाचनको मतदान बिहिबार ५ बजे सकिएसँगै  मतदानको मतगणना अधिकांश जिल्लामा सुरु भएको छ ।  पहिलो चरणमा ३२ जिल्लाका ३७ प्रतिनिधि सभा र प्रदेश सभाका ७४ क्षेत्रमा मंसिर १० गते निर्वाचन भएको थियो।

प्राप्त  जानकारीअनुसार गोरखा,  नुवाकोट, रसुवा, रूकुम ओखलढुंगा, डोल्पा, सिन्धुपाल्चोकलगायतका जिल्लामा मतगणना सुरु भइसकेको छ ।  मतगणना सुरु गर्नका लागि  दिउँसै सर्वदलीय बैठक बसेका थिए भने बाँकी जिल्लामा पनि मतगणनाको सुरु भएको छ ।
कम मतदाता भएका मनाङ र मुस्ताङको अन्तिम परिणाम शुक्रबार बिहानसम्म आइसक्ने अपेक्षा गरिएको छ।

आज मतदान भएका ४५ जिल्लामध्ये अधिकांशमा भने शुक्रबारदेखि मात्र हुनेछ। केहीमा आजै मध्यरातबाट मतगणना हुने मुख्य निर्वाचन अधिकृतहरुले जनाएका छन्।