रंगशालाको सिट भाच्ने दर्शक विरुद्ध छानबिन सुरु

सामाजिक संजालमा रंगशालाको सिट भाचिएको भिडियो भाइरल भएपछि सुरक्षा परिचालन विभागले छानबिन सुरु गरेको छ ।

टुनिसिया र ओमानबिचको क्वाटरफाइनलको खेलपछि एजुकेसन सिटी रंगशालाको केही सिट दर्शकले टुटफुट गरेका थिए । विभागले विज्ञप्ति जारी गर्दै सो सम्बन्धमा छानबिन सुरु भइसकेको र नियम उल्लङ्घन गर्नेलाई कानुनी कारबाही गरिने बताएको छ।

विभागले सबै खेलप्रेमीलाई जिम्मेवार बन्न, कानूनको पालना गर्न र आफ्नो टोलीलाई नियम भित्र बसेर समर्थन गर्न आह्वान गरेको छ।