‘पद्यमावती’ यी दुईमध्ये कुन मितीमा रिलिज होला ???
यो बर्ष निकै बिवादमा आई राजनितीक चपेटामा परेको बलिउड फिल्म ‘पद्यमावती’ को बिरोध अझै पनि सेलाएको छैन्। यद्धपी सेंसरबोर्डले भने फिल्मलाई युए सर्टिफिकेट दिईसकेको छ । त्यसो त फिल्मलाई सेंसरबोर्डबाट २६ वटा कट लागेको छ । यसको बिवाद केही थामिएको भने पक्का हो तर सेलाएको भने छैन ।
तर पनि निर्माण युनिट भने फिल्म रिलिजको लागि मिती तय गर्न लागिपरेको भारतीय मिडियाले जनाएको छ । यसअघि डिसेम्बर १ मा रिलिज घोषणा गरिएको यो फिल्म राजपुत समाज , करणी सेना र केही राजनितीज्ञको चपेटामा यो फिल्म रिलिज हुन सकेन । बलिउडमा यतिबेला यही चर्चा छ की ‘पद्यमावती’ जनवरी २६ वा फेब्रुअरी ९ मध्ये एकमा रिलिज हुनेछ ।
रोचक कुरा त के भने यही ‘पद्यमावती’ यी दुईमध्ये एउटा तारिखमा पनि रिलिज भयो अर्काे ठुला स्टारको फिल्मसंग जुध्नेछ । जनवरी २६ मा अक्षयकुमारको प्रतिक्षित चलचित्र ‘पैड म्यान’ रिलिज हुँदै छ भने फेब्रुअरी ९ मा अनुष्का शर्माको ‘परी’ रिलिज हुँदैछ । ‘पद्यमावती’ लाई फेब्रुअरी ९ मा सहज होला तर जनवरी २६ मा गाह्रै पर्नेछ ।
किनकी यसअघि अक्षयको फरकधारको फिल्म ‘ट्वाईलेट एक प्रेम कथा’ निकै सफल भएको थियो । ‘पैड म्यान’ पनि त्यस्तै फ्लेवरको फिल्म हो । यद्धपी निर्माण युनिटले यी दुबै मितीमध्ये एकमा पनि मोहर भने लगाएको छैन् । सञ्जयलिला भन्सालीको निर्माण र निर्देशनमा बनेको पद्यमावतीमा दिपिका पादुकोण , रणवीर सिंह र शाहिद कपुरको मुख्य अभिनय रहेको छ ।
