नेपालमा लामो दुरीको यातायात र हवाई उडान असोज ५ गतेबाट खुला हुने

नेपाल सरकारले अन्तरजिल्ला यातायात र आन्तरिक हवाई उडान असोज ५ गते (सेप्टेम्बर २१ तारिख) बाट खुला गर्ने निर्णय गरेको छ । सोमबार बसेको मन्त्रिपरिषद् बैठकले असोज ५ देखि लामो दुरीको बस र आन्तरिक हवाई उडान सञ्चालन गर्न दिने निर्णय भएको एक मन्त्रीले बताए ।

ती मन्त्रीका अनुसार यातायातका साधानले सिट क्षमताको ५० प्रतिशतमात्रै यात्रु बोक्न पाउनेछन् । गत चैत ११ गतेदेखि लकडाउन भएपछि सार्वजनिक यातायात बन्द थियो भने व्यवसायीले खुलाउन माग गर्दै आएपनि सरकारले जोखिम रहेको भन्दै सञ्चालनको अनुमति दिएको थिएन ।