नेपाल र भारत बीच मैत्रीपूर्ण खेल हुने
स्थानीय नेपाली र भारतीय फुटबल टिम बीच मैत्रीपूर्ण खेल हुनेभएको छ।खेल अप्रिल ६ का दिन बेलुका ७ बजे दोहा स्पोर्ट्स स्टेडियममा हुँदैछ।खेलको लागि प्रवेश निशुल्क रहेको छ ।
खेलमा समावेस हुन राष्ट्रिय तथा मनाङ मर्स्याङ्दी क्लबका मिडफिल्डर सुजल श्रेष्ठ,नेपाली राष्ट्रिय यु-२३ तथा थ्रीस्टार/मोरंग्ङ ११ का डिफेन्डर निरज बस्नेत,गोलरक्षक किशोर गिरी सँगै सांगीतिक प्रस्तुति दिन गायक कमल खत्री कतार आउने तय भएको छ।
कतार इन्डियन फुटबल संघद्वारा आयोजित छैठौं क्युआईए च्याम्पियन्स लिगको उद्घाटन समारोहको अवसरमा खेल आयोजना हुन लागेको हो।गत वर्ष पनि नेपाली र भारतीय टिम बीच मैत्रीपुर्ण खेल भएको थियो।सो खेलको लागि नेपाली राष्ट्रिय यु २३ का खेलाडी प्रकाश बुढाथोकी कतार आएका थिए। उक्त खेलमा नेपालले भारत संग २-२ को बराबरी खेलेको थियो। हालसालै भएको छैठौं एसियन आप्रवासी फुटबल प्रतियोगितामा भने नेपाल र उपविजेता भारत समूह विभाजनका कारण खेल्ने अवसर जुरेन।
दोहा स्पोर्ट्स स्टेडियम जाने बाटो