प्रहरीले छविलाल जोशीलाई बयानका लागि चितवन ल्यायो

चितवन, मंसिर १६-

पूर्वडीआईजी छविलाल जोशीलाई बयानका लागि बयानका लागि चितवन ल्याइएको छ । भरतपुरमा रहेको साहारा चितवन बहुउद्देश्यीय सहकारी संस्थाको रकम अपचलनबारे बयानका लागि पूर्वडीआईजी छविलाललाई चितवन ल्याइएको हो ।

जिल्ला प्रहरी कार्यालयको हिरासतमा रहेका जोशीलाई आइतबार बिहान बयानका लागि चितवन ल्याइएको जिल्ला प्रहरी कार्यालय चितवनका एसपी गौतम मिश्रले जानकारी दिए । उनका अनुसार पूर्वडीआईजी जोशीका साथै रामबहादुर ढकाललाई पनि चितवन ल्याइएको छ ।

जिल्ला सरकारी वकिल कार्यालयमा उनीहरुको बयान सकिएपछि पोखरा नै फिर्ता गराउने प्रहरीको तयारी छ । त्यसपछि राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेलाई चितवन ल्याउने प्रहरीको तयारी छ ।

यस समाचारको श्रोत : www.narayanionline.com हो ।