हैदराबादलाई हराँउँदै चेन्नई फाईनलमा प्रवेश

चेन्नई सुपर किंग्स इन्डियन प्रिमियर लिग क्रिकेट (आईपीएल) २०१८ को फाईनलमा प्रवेश गरेको छ । गयराती भएको पहिलो क्वालिफायरमा सनराइजर्स हैदराबादमाथि २ विकेटको रोमाञ्चक जित हात पार्दै चेन्नई फाइनलमा प्रवेश गरेको हो ।

ब्याट्सम्यान डू प्लेसिस र शादुल ठाकुरले विस्फोटक ब्याटिङ गर्दै अन्तिममा चेन्नईलाई जिताएका हुन् । मुम्बईको वानखेडे रंगशालामा भएको खेलमा चेन्नईका कप्तान महेन्द्रसिंह धोनीले टस जितेर पहिले फिल्डिङ रोजेका थिए । पहिले ब्याटिङ गरेको सनराइजर्स हैदराबादले २० ओभरमा ७ विकेट गुमाउँदै १३९ रन बनाएको थियो ।

१४० रनको झिनो लक्ष्य पाएको चेन्नईको आशा एक समय लगभग समाप्त भइसकेको थियो । तर डू प्लेसिसको नटआउट ६७ रन तथा शार्दुल ठाकुरको नटआउट १५ रनको योगदानले चेन्नईले रोमाञ्चक जित हात पार्यो । चेन्नईले १९ दशमलब १ ओभरमा ८ विकेट गुमाउँदै १४० रन बनाएको थियो ।