सन्दीपले गणतन्त्र दिवसमा पदक पाउने

नेपाल राष्ट्रिय क्रिकेट टीमका सदस्य तथा इन्डियन प्रिमियर लिगमा उत्कृष्ट प्रदर्शन गरेका क्रिकेटर सन्दीप लामिछानेले बिहीवार गृहमन्त्री रामबहादुर थापा ‘बादल’सँग भेटवार्ता गरेका छन् । गृह मन्त्रालय पुगेका सन्दीपलाई गृहमन्त्री थापाले इन्डियन प्रिमियर लिग क्रिकेट प्रतियोगितामा गरेको उत्कृष्ट प्रदर्शनका लागि बधाइ दिए ।

साथै सरकारले क्रिकेट खेल र खेलाको विकासका लागि छिट्टै नयाँ योजना ल्याउने पनि गृहमन्त्री थापाले उद्घोष गरे । गृह मन्त्रालयले यस वर्षको गणतन्त्र दिवसमा प्रदान गरिने पदकका लागि सन्दीपको नाम समेत छनौट सूचीमा समावेश गरेको जनाएको छ । यद्यपि सन्दीपलाई दिइने पदकबारे भने केही खुलाइएको छ ।