बलात्कार मुद्दामा ७ वर्ष कैद तोकिएका एक युवक पक्राउ

काठमाडौं, कात्तिक १५-

बलात्कार मुद्दाका एक फरार प्रतिवादी पक्राउ परेका छन् ।

पक्राउ पर्नेमा कपिलवस्तु नगरपालिका–१० पचेहरा बस्ने ३८ वर्षीय त्रियुगी केवट छन् । उनलाई जिल्ला प्रहरी कार्यालय कपिलवस्तुको टोलीले पक्राउ गरेको हो ।
बलात्कार मुद्दामा उनलाई २५ असोज २०८० मा ७ वर्ष कैद सजाय तोकिएको थियो । फरार केवटलाई पचेहराबाटै पक्राउ गरिएको जिल्ला कपिलवस्तुका एसपी निरञ्जन भट्टराईले बताए । उनलाई कैद भुक्तानका लागि कारागार चलान गरिएको छ ।

यस समाचारको श्रोत : www.narayanionline.com हो ।