६७ माग्ने पक्राउ

आन्तरिक मन्त्रालय अन्तर्गतको अपराध अनुसन्धान विभाग(सिआईडी)ले ६७ जना माग्नेलाई पक्राउ गरेको छ।विभागले रमादान महिनाको १० दिन भित्र ती मगन्तेहरुलाई पक्राउ गरेको हो।इस्लाम धर्मावलम्बीको पवित्र महिना रमादनमा व्यापक रुपमा देखिने माग्ने विरुद्ध विभागले अनुसन्धान थालेको थियो।

कतारमा चन्दा उठाएर आवश्यकलाई सहयोग गर्न सरकार बाट मान्यता प्राप्त बिभिन्न सक्षम तथा जिम्मेवार च्यारिटी संस्थाहरु भएको हुँदा त्यस्ताको मात्र भर पर्न विभागले सुझाव समेत दिएको छ।

विभागको अनुसार माग्ने पक्राउ गर्न प्रहरी २४ सै घण्टा खटिएको छ।माग्ने सम्बन्धी कुनै पनि गतिविधि देखिए तुरुन्त हटलाइन नम्बर २३४७४४४ ,३३६१८६२७ वा मेट्राश २ एप्प मार्फत खबर गर्न विभागले सबैमा आग्रह गरेको छ।