फ्रान्स विरुद्ध बेल्जियम खेल बारे केही रोचक जानकारी

एजेन्सी

फिफा विश्वकप २०१८ रसिया

खेल : फ्रान्स विरुद्ध बेल्जियम (पहिलो सेमीफाइनल)

मैदान : सेन्ट पिटर्सबर्ग रंगशाला

सिट क्षमता : ६४,४६८

खेल सुरु हुने समय : राति ९ बजे (कतारी समय)

फिफा विश्वकपको इतिहासमा बेल्जियमको लागि यो दोस्रो र फ्रान्सको लागि यो छैठौं सेमीफाइनल खेल हो। यी दुई देश बीच हालसम्म भएको खेलमा बेल्जियमले ३० र फ्रान्सले २४ पटक जीत हात परेको छ। त्यस्तै १९ खेल बराबरी खेलका छन्। बाँकी जानकारीहरु यस्ता छन् :

बेल्जियम

• बेल्जियमले सन् १९८६ मा अर्जेन्टिना विरुद्ध सेमीफाइनल खेल खेलको थियो जहाँ दोस्रो हाफमा माराडोनाको उत्कृष्ट प्रदर्शनमा बेल्जियम २ -० ले पछाडि पर्यो।
• सोही प्रतियोगितामा भएको तेस्रो स्थानको लागि फ्रान्स सँगको भिडन्तमा बेल्जियमले पहिलो अग्रता लिएपनि ४-२ ले हार्न पुग्यो।
• यसअघि ब्राजिलमा भएको २०१४ को विश्वकपमा बेल्जियम अन्तिम आठ सम्म पुग्न सफल भएको थियो तर सेमीफाइनल सम्म पुग्ने यात्रा लाई अर्जेन्टिनाको एक मात्र गोलले विफल पारिदियो।
• अनुभवको आधारमा बेल्जियमको राष्ट्रिय टोलीमा २०१४ विश्वकपको खेलाडीहरू मध्ये यसपटक १५ खेलाडी समावेस छन्।
• प्रतियोगितामा रोमेलु लुकाकुले जम्मा ४ गोल गर्दै दोस्रो सर्वाधिक गोलकर्ताको स्थानमा छन्।

फ्रान्स

• फ्रान्सले सन् १९९८ मा विश्वकप जितिसकेको छ।
• फ्रान्सका लागि सन् १९५८ विश्वकपमा फन्टैनेले गरेको १३ गोलको रेकर्ड आज सम्म फ्रान्सेली खेलाडीहरुले तोड्न सकेको छैन।
• पूर्व राष्ट्रिय खेलाडी थिएरी हेनरी हाल बेल्जियमको सहायक प्रशिक्षक हुन्।आजको खेलमा उनी आफ्नै देश विरुद्ध उत्रदै छन्।
• फ्रान्सका लागि सर्वाधिक ३ गोल एन्टोनी ग्रिजम्यानले गरेका छन्।

प्रभाव पार्न सक्ने मुख्य खेलाडीहरू

फ्रान्स : किलियन एमबाप्पे ,एन्टोनी ग्रिजम्यान,पाउल पोग्बा र ओलिभर जिरौड ।

बेल्जियम : केभिन डी ब्रुयना,रोमेलु लुकाकु,इडेन हाजार्ड ।