कतारले दुई फिल्ड अस्पताल इटालीलाई सहयोग पठायो
अमिर शेख तमिम बिन हमाद अल थानीको निर्देशनमा कतारले दुई फिल्ड अस्पताल इटालीलाई सहयोग गरेको छ । कोरोना भाइरसका कारण महामारी स्थिती बाहिर गएपछि दुई अमिरी एयर फोर्स मार्फत सहयोग हिजो इटाली पुगेको हो ।
राजधानी रोममा पुगेको पहिलो अस्पताल ५ हजार दुई सय वर्ग मिटर र दोस्रो ४ हजार वर्ग मिटरको रहेको छ । ती दुई अस्पतालको क्षमता प्रति एक हजार शैयाको रहेको छ । अस्पतालमा कोरोना भाइरस विरुद्ध लड्नका लागि आधुनिक स्वास्थ्य उपकरणहरु पनि छन् ।
Upon the directives of HH the Amir, two military aircraft of the Qatari Amiri Air Force arrived in Italy, carrying two field hospitals in support of the efforts of Italian friends to combat and contain the outbreak of the novel Coronavirus (COVID-19). #QNA pic.twitter.com/X4xKiWklTb
— Qatar News Agency (@QNAEnglish) April 8, 2020
“हालको दुखद घडीमा पनि गहिरो रुपमा कतार इटालीको साथ रहेको देखाउन खोजेका छौं ,” इटालीका लागि कतारी राजदूत अल मल्कीले जहाज अवतरण पश्चात बताएका छन् ।
जम्मा ४ जहाज मध्ये बाँकि रहेको दुई आज त्यहाँ पुग्नेछ । त्यस्तै थप एक जहाज कतार विकास कोष र कतार आर्मीको समन्वयमा स्वास्थ्य उपकरण लिएर शुक्रबार इटाली जानेछ ।