४७ औं अमिर कपको उपाधि अल दुहेललाई

४७ औं अमिर कपको उपाधि अल दुहेलले जितेको छ। हिजो राती अल जनौब (वक्रा) रंगशालामा सम्पन्न फाइनल खेलमा प्रतिद्वन्दी अल साद्दलाई ४ – १ गोलले हराउँदै दुहेलले तेस्रो पटक उपाधि चुम्न सफल भएको हो।

४० हजार बढी दर्शक उपस्थित भएको रंगशालामा उपस्थित रहेको हिजोको खेलमा अल साद्दका लागि ७ औं मिनेटमा एक मात्र गोल अक्रम अफिफले गरेका थिए । दुहेल तर्फ खेलको अलि हसनले १६ ,एड्मिल्सनले ५८ र ८१ र योउसेफ़ अरबी ६२ औं मिनेटमा  गोल गरेका थिए।

पुरस्कार वितरण फिफा अध्यक्ष जियनी इफान्तिनो,कतार फुटबल एसोसिएसनका उपाध्यक्ष साउद अल मोहन्दी लगायतको उपस्थितिमा अमिर शेख तमिम विन हमाद अल थानीले गर्नुभएको थियो।

रंगशालाको सम्पूर्ण बत्ती निभाएर आतसबाजी सँगै गरिएको समापन समारोह सम्झन लायक बनेको थियो।