कतारको इन्टरनेट विश्वकै पाँचौ उत्कृष्ट

स्पिडटेष्ट इन्टेलिजेन्स नामक डाटा प्ल्याटफर्ममा गरिएको  इन्टरनेट डाटाको विश्लेषणका आधारमा विश्वका मुलुकहरुको मोबाइल इन्टरनेट गतिको सूचीमा कतार पाँचौ र खाडी क्षेत्रमा पहिलो स्थानमा परेको छ । उसका अनूसार कतारको मोबाइल इन्टरनेट स्पिड ५९.९० एमबी प्रति सेकेन्ड रहेको छ।

कतारलाई पछ्याउदै यूएई सातौँ  स्थानमा (५६.३३) , साउदी अरेबिया ३५ औ स्थानमा (३५.६०), ओमान ३६ औ (३५.६०) र बहराइन ५९ अाैं स्थानमा (२६.३७) एमबीपीएस रहेको छ ।

यता फिक्स्ड ब्रोडब्याण्ड इन्टरनेट स्पीड तर्फ भने कतार  ६२.६५  एमबीपीएसका साथ विश्वकै ३९ आैं स्थानमा परेको छ । तथ्यांक अनुसार कतारको अपलोड स्पिड मोवाइल इन्टरनेट बाट १६.६ एमबीपीएस र ब्रोडब्याण्ड बाट ३२.२० एमबीपीएस रहेको छ ।

स्पिडटेष्ट डट नेटले प्रकाशित गरेको सन् २०१९ को विश्वको इन्टरनेट गतिको प्रतिवेदनले विश्वमा मोबाइल तथा फिक्स्ड ब्रोडब्याण्ड दुवै इन्टरनेटको डाउनलोड तथा अपलोड स्पिडमा वृद्धि भैरहेको पनि प्रतिवेदनले देखाएको छ ।