श्रम विवादको उजुरी कहाँ गर्ने ?
कतारको प्रशासनिक विकास, श्रम र सामाजिक मामिला मन्त्रालयले गएको वर्ष स्थापना गरेको ‘श्रम विवाद समाधान’ समितिले कामदारको उजुरी देशको चार ठाउँ बाट लिँदै समाधान गरिरहेको छ । यस अघि श्रम सम्बन्धी मुद्दाहरु अदालतले हेर्दा महिनै पिच्छे तारेख धाउन पर्ने र लामो समय सम्म पनि मुद्दाको सुनुवाई नहुने समस्या देखिएकाले ‘श्रम विवाद समाधान’ समिति गठन गरी घरेलू र अन्य कामदारका समस्याहरु समाधान गर्ने भएको हो ।
कतारका अदालतले अहिले श्रम विवादका मुद्दाहरू हेर्दैन । कामदारले उजुरी गर्नुपरेमा प्रशासनिक विकास,श्रम तथा सामाजिक मामिला मन्त्रालय जानुपर्दछ । सामान्यतया निवेदकले दिएको उजुरीलाई सात दिन भित्र विवाद सुल्झाउन प्रयास गरिनेछ । सात दिन पछी पनि उजुरीको सुनुवाई हुन नसकेको खण्डमा त्यो ‘श्रम विवाद समाधान’ समितिमा पुग्नेछ र उक्त समितिले उजुरीको विवरण हेरी मन्त्रालयको सिफारिसमा काम गर्नेछ । यद्यपि उजुरीको फैसला दुवै पक्षलाई चित्त नबुझे एक महिना भित्र सुनुवाई हुने गरी पुनर्विचार न्यायलयले त्यसको जिम्मा लिनेछ ।
कहाँ-कहाँ छन त ती उजुरी गर्ने चार ठाउँ ?
श्रम मन्त्रालयको अनुसार कामदारले यी चार ठाउँमा बाट आफ्ना गुनासो वा उजुरी दर्ता गर्न सक्नेछन्
- दफ्ना स्थित अल फैसल टावर को २९ औं तल्लामा रहेको मन्त्रालयको कार्याल – मरोइट सिटी सेन्टर होटेलको अगाडि
- दफ्ना स्थित अलहुदा टावरको पहिलो तल्लामा रहेको श्रम उजुरी विभाग – सिटी सेन्टरको अगाडि
- औद्योगिक क्षेत्र (सनैया) मा रहेको मन्त्रालयको कार्यालय – अल अतिया नजिक
- अलखोरमा रहेको मन्त्रालयको कार्यालय – अल अंमिर स्ट्रीट ६००
फोन : +९७४१६००८ | ईमेल : info@adlsa.gov.qa | वेबसाइट : www.adlsa.gov.qa
यो पनि पढ्नुहोस्
कामदारको उजुरी हेर्ने नयाँ समितिले काम सुरु गर्यो
कतारको श्रम विवाद समाधान गर्न लाग्ने प्रक्रियाहरु
‘श्रमिक सहायता कोष’ बारे परामर्श परिषदमा छलफल
