बिर्तामोडमा कर्फ्यू आदेश जारी, प्रहरीको गोली लागेर एकजनाको मृत्यु

नेपाल, अक्टोबर २७ –झापाको बिर्तामोडमा प्रहरीको गोली लागि एकजनाको मृत्यु भएको छ । अर्जुनधारा नगरपालिका– ११ का ११ वर्षीय लक्ष्मण सिवाकोटीको हत्यारालाई कानूनी कारवाहीको माग गर्दै विर्तामोडमा स्थानीयवासीले आज बिहानैदेखि प्रदर्शन गरेका थिए ।

प्रदर्शनका क्रममा दर्जनौंपटक प्रहरी र स्थानीयबीच झडप भएको थियो । झडपका क्रममा गोली लागि प्रदर्शनकारी अजुर्नधारा–५ का नरेश थापाको मृत्यु भएको जिल्ला प्रहरी कार्यालयका प्रवक्ता प्रहरी नायव उपरीक्षक (डिएसपी) जितेन्द्र कुमार बस्नेतले लोकान्तरलाई बताए ।