गल्फ कप : कुवेत विजयी,ओमान र बहराइन बराबरीमा

कतारमा जारी २४ औं अरबियन गल्फ कपको समूह `बी´ अन्तर्गत हिजो बहराइन र ओमानले गोल रहित बराबरी खेलेको छ ।

सोही समुहको हिजो भएको अर्को खेलमा कुवेतले साउदी अरेबियालाई ३-१ गोल अन्तरले पराजित गरेको छ । कुवेतको जितका लागि अल धफेरीले ४३ , अल सनेले ४६ र अल फनेनीले ९० औ मिनेटमा गोल गरेका थिए । साउदीको तर्फ बाट एक मात्र सान्त्वना गोल अल्बिरकेनले ९६ औ मिनेटमा गरे ।

दोस्रो चरण

प्रतियोगिताको दोस्रो चरणमा समूह ए अन्तर्गत भोलि ५:३० मा युएई र इराक बिचको खेल हुँदैछ । त्यस्तै बेलुका ८ बजे कतारले यमनको सामना गर्दैछ । दुबै खेल खलिफा अन्तर्राष्ट्रिय रंगशालामा हुनेछ ।

टिकट कसरी लिने ?

जारी गल्फ कप हेर्न टिकट १०,३० र ५० रियालमा विभाजन गरिएको छ । प्रतियोगिताका लागि अनलाइन टिकट www.gulfcup2019.com र  शौक वकिफ,भिलाजियो मल ,कतारा ,मल अफ कतार र दोहा फेस्टिभल सिटीमा बेलुका ४ देखि राति १० बजे सम्म लिन सकिन्छ ।