फिफा क्लव विश्वकप आज बाट सुरु हुँदै

सातौँ टिम बीचको फिफा क्लव विश्वकप आज बाट कतारमा आयोजना हुँदैछ । आजको उद्घाटन खेलमा आयोजक कतारको अल साद्द क्लब र ओसिनियाको हेहेन स्पोर्टस क्लब बिच जस्सिम बिन हमाद रंगशालामा बेलुका ८:३० बजे खेल हुँदैछ।

६ महादेशको विजयी क्लव र आयोजक राष्ट्रको एक क्लब विजेताको प्रतियोगिता कतारले यो वर्ष  र २०२० गरी लगातार दुर्इ पटक आयोजना गर्नेछ ।  कतारले आयोजना गर्ने यस दुई प्रतियोगितामा यो वर्षको युरोपियन लिग च्याम्पियन लिभरपुल क्लवको सहभागिता रहनेछ । प्रतियोगिता आउने डिसेम्बर २१  सम्म चल्नेछ ।

प्रतियोगिताको अवधिभर हजारौ दर्शकको लागि सीमित स्थानमा मादक पदार्थ खुला गरिने पनि आयोजक समिति प्रमुख अल थवदिले बताएका छन् । विदेशीका लागि कतारमा अहिलेसम्म केही सीमित बारमा मात्रै मादक पदार्थ उपलब्ध रहेको छ ।

क्लव विश्वकप हालसालै  जापान र युएईमा आयोजना भएको थियो । जसमा ६ महादिपका च्याम्पियन र एक टिम आयोजक राष्ट्रले सहभागीता जनाउने गर्दछन् । कतारमा दुर्इ वर्ष आयोजना भएपश्चात यसमा २४ टिम समावेश गर्ने फिफाले बताएको छ ।

सहभागी टिम

अफ्रीका बाट टुनिशियाको एस्पेरन्से दि तुनिस ,
ओसिनिया बाट हिएङ्हेने स्पोर्ट
उत्तर अमेरिका (कोन्काकाफ) बाट मेक्सिकन क्लव मोन्टेर्‍एरी
युरोप (बेलायत) लिभरपुल फुटबल क्लव
आयोजक कतार बाट अल साद्द स्पोर्ट्स क्लव
एसिया बाट साउदी अरेबियाको अल हिलाल क्लब  तथा दक्षिण अमेरिका बाट ब्राजिलको  फ्लामेङो  क्लब

टिकट

कतारमा यो वर्ष आयोजना हुने फिफा क्लव विश्वकपको लागि टिकट बिक्री सुरु भइसकेको छ । टिकटको मूल्य २५ देखी ४०० रियाल बीच रहेको छ ।

टिकट खरिद गर्न यहाँ  थिच्नुहोस ।

टिकट वितरण

अनलाइनमार्फत सफल निवेदकले आफैले टिकट प्रिन्ट गर्नुपर्नेछ । डिसेम्बर बाट फिफाको टिकटखातामा गई टिकट प्रिन्ट गर्न सकिनेछ ।

वेबसाइट बाट सक्कली बाहेक इमेल , स्क्रिनसट जस्ता प्रिन्ट मान्य नहुने र यो खेल सुरु हुनु भन्दा अगावै प्रिन्ट भएँको हुनुपर्ने फिफाले बताएको छ । रंगशालामा टिकट प्रिन्ट गर्ने व्यवस्था भने हुनेछैन ।

रंगशाला

जस्सिम बिन हमाद – १२ हजार सीट

खलिफा अन्तर्राष्ट्रिय रंगशाला – ४० हजार सीट

एजुकेसन सिटी रंगशालाको उद्घाटन स्थगित भएको छ ।

खेलको तालिका