२९ र ३० जुनकाे उडानका लागि यात्रुहरुको सूची प्रकाशित
कतारस्थित नेपाली राजदूतावासले नेपाल एयरलाइन्स मार्फत हुने २९ र ३० जुनकाे उडानका लागि यात्रुहरुको सूची प्रकाशित गरेको छ । त्यस्तै दूतावासले २५ तारिक सम्म फारम भर्ने नेपालीको थप नाम दर्ता भएको पनि जानकारी दिएको छ ।
कोरोनाभाइरसको स्थिती पछि विभिन्न समस्यामा परि नेपाल फर्कनै पर्ने स्थिती अनुसार दूतावासले जारी गरेको फारम भर्नेहरुमध्ये प्राथमिकता सूचीको १ देखि ७ सम्मका व्यक्तिहरुले विभिन्न माध्यमबाट आफ्नो विवरण उपलब्ध गराए बमोजिम र नेपाल सरकारले निर्धारण गरेको प्राथमिकता अनुरूप पहिलो चरण अन्तर्गतको नेपाल एयरलाइन्सको तेश्रो र चौथो उडानका लागि दूतावासले हिजो सुची प्रकाशित गरेको हो । सुचीमा नाम आउने यात्रुहरुले टिकटका लागि जैदा टावरस्थित फह्द ट्राभल्समा सम्पर्क गर्न सक्नेछन् । यात्रुहरुको सुची दूतावासको फेसबुक पेज बाट हेर्न सकिन्छ ।
साथै, सो एयरलाइन्सको २० र २७ जुनकाे दोश्रो र तेस्रो उडानका लागि प्रकाशित सूचीमा नाम भएका तर विविध कारणले टिकट काट्न छुटेका व्यक्तिहरुले समेत आउने २९ र ३० तारिकको उडानका लागि टिकट काट्न पाउने दूतावासले बताएको छ । नेपाल फर्कन हवाई भाडादर १ं४२७ रियाल रहेको छ ।
२९ र ३० जुनकाे उडानका लागि यात्रुहरुको सूची हेर्न यहाँ थिच्नुहोस ।
२५ तारिक सम्म फारम भर्ने नेपालीको नाम दर्ता भएको सूची हेर्न यहाँ थिच्नुहोस ।
