आज थप ६०८ जनामा भाइरस देखियो,एकको मृत्यु
आज नयाँ ६०८ जनामा कोरोना भाइरस (कोभिड-१९) संक्रमण देखिएको, ७५ जनालाई निको भएको र एक ५५ वर्षिय व्यक्तिको मृत्यु भएको स्वास्थ मन्त्रालयले जनाएको छ । यो संगै कतारमा भाइरस संक्रमितको संख्या ७१४१ पुगेको छ ।
हालसम्म ६८९ जना निको भएर घर फर्किएका छन् ।त्यस्तै जम्मा ६४४२ जना उपचारत छन् । आज सम्म ७००१२ जनालाई जाँच गरिएको मन्त्रालयले बताएको छ । भाइरसका कारण हालसम्म कतारमा १० जनाको मृत्यु भएको छ ।
آخر مستجدات فيروس كورونا في قطر
Latest update on Coronavirus in Qatar#سلامتك_هي_سلامتي #YourSafetyIsMySafety pic.twitter.com/r650zBd03P— وزارة الصحة العامة (@MOPHQatar) April 22, 2020
आज थपिएका बिरामीहरु क्वारेन्टाइनमा बसेका र केही नयाँ व्यक्तिहरु हुन् जसमध्ये धेरैजसो आप्रवासी नागरिक रहेका छन् । सरकारले कुन देशका कति मानिसमा संक्रमण देखिएको तथ्यांक सार्वजनिक भने गरेको छैन ।
कतार लगायत खाडी मुलुकमा भाइरसको स्थिति उत्कर्षमा पुगेको र आउने दिनमा संक्रमितको संख्या अझै बढ्ने स्वास्थ्य मन्त्रालयले जनाएको छ ।