ईदुल अधा २०२५: जुन ६, शुक्रबार मनाइने
कतार: साउदी अरेबियाको चन्द्रमा अवलोकन समितिले हिजो, मंगलबार मे २७ मा धुल-हिज्जाको नयाँ चन्द्रमा देखिएको पुष्टि गरेको छ। यसअनुसार, आज बुधबार, मे २८ तारिखबाट इस्लामिक महिनाको धुल-हिज्जा सुरु हुनेछ।
धुल-हिज्जा इस्लाम धर्मअनुसार निकै पवित्र महिना मानिन्छ, जसमा हज यात्रा सम्पन्न गरिन्छ र मुस्लिम समुदायले ईदुल अधा मनाउँछन्। य
स वर्षको ईदुल अधा २०२५ मा शुक्रबार, जुन ६ का दिन पर्न गएको साउदी अधिकारीहरूले जानकारी दिएका छन्।
कतार लगायतका खाडी मुलुकहरूले प्रायः साउदी अरेबियामा चन्द्रमा देखिएको मिति अनुसार नै इस्लामिक चाडपर्वहरू मनाउने भएकाले कतारमा पनि ईदुल अधा यही मिति अर्थात् जुन ६, शुक्रबारका दिन मनाइनेछ।
ईदुल अधा, जसलाई ‘बलिदानीको पर्व’ पनि भनिन्छ, इस्लाम धर्मावलम्बीहरूले ईश्वरप्रति आस्था र समर्पणको प्रतीक स्वरूप जनावर बली दिएर मनाउँछन्। यस अवसरमा विशेष नमाज पढिन्छ र दीन-गरीब तथा आफन्तजनसँग खुशीयाली बाँडिन्छ।