सरकारी क्षेत्रलाई इदमा दश दिन बिदा हुने
इस्लाम धर्मावलम्बीहरूको महान चाड “इद अल फित्र”को अवसरमा सरकारी क्षेत्रमा पछिल्लो वर्ष जस्तै दश दिन बिदा हुनेभएको छ । सरकारी कार्यालय,मन्त्रालय तथा अन्य सार्वजनिक क्षेत्र भित्र पर्ने कार्यालयहरूमा बिदा मंगलबार १९ मे देखि बिहिबार २८ मे सम्म हुने अमिरी दिवानले आज सूचना प्रकाशित गर्दै जानकारी गराएको हो। सम्पूर्ण सरकारी कर्मचारीहरुले आइतबार मे ३१ बाट काम सुचारु गर्नेछन् । यो वर्षको इद मे २४ देखि सुरु हुने अपेक्षा गरिएको छ ।
First: Ministries and other government agencies and public entities and institutions: the holidays shall commence from Tuesday, (26 Ramadan, 1441 AH), May 19, 2020, until Thursday, May 28, 2020. Employees shall commence their works on, May 31, 2020. #QNA
— Qatar News Agency (@QNAEnglish) May 17, 2020
त्यस्तै गरी कतार केन्द्रीय बैंक(क्युसिबी) अन्तर्गत पर्ने बैंक,वित्तीय संस्था लगायत अन्यलाई क्युसिबीले बिदा तोक्नेछ।
निजी क्षेत्र
इद अल फित्रको अवसरमा कतारमा निजी क्षेत्रका कामदारहरुले कम्तीमा तीन दिन बिदा पाउने श्रम कानूनमा उल्लेख गरिएको छ।यद्यपि अत्यावश्यक काम गर्नुपर्ने कम्पनीको अवस्थामा इदको पहिलो दिन अनिवार्य बिदा र बाँकी दुई दिन काम लगाए ओभरटाइम दिनुपर्ने नियम रहेको छ।