आज १,८२६ जना संक्रमित थपिए ,३ जनाको मृत्यु
कतारमा आज थप १,८२६ जनामा कोरोना भाइरस संक्रमण पुष्टि भएको छ ।
स्वास्थ्य मन्त्रालयको पछिल्लो २४ घण्टाको रिपोर्ट अनुसार ५,१७९ जनालाई गरिएको परिक्षणमा आज १,८२६ जना नयाँ संक्रमित भेटिएको हो । त्यस्तै २,५९९ जनालाई निको भएको र ३ जनाको मृत्यु पनि भएको छ ।
आज मृत्यु हुने तीन जना २४,५९ र ६२ वर्षिय नागरिक रहेका छन् । सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।
पहिलो स्वाब नतिजा पोजेटिभ आएका सामान्य बिरामीलाई १४ दिनमा डिस्चार्ज दिने विश्व स्वास्थ्य संगठन (डब्लुएचओ) को मार्गनिर्देशन अनुसार अपनाएको स्वास्थ्य उपचार विधिका कारण कतारमा अहिले यस रोग बाट निको हुनेको संख्या पनि दिनहुँजसो बढ्दै गैरहेको छ ।
गएको २४ घण्टा भित्रकाे तथ्यांक
अस्पताल भर्ना भएका – २२० जना
अस्पतालमा उपचार भैरहेका जम्मा – १,५०४ जना
आईसीयुमा भर्ना भएका – २० जना
आईसीयुमा उपचार भैरहेका जम्मा – २३९ जना
जाँच गरिएको संख्या – ५,१७९ जना
आज सम्म जाँच भएको संख्या – २,३१०९८ जना
निको हुनेको संख्या – २,५९९ जना
आज सम्म निको हुनेको संख्या – ३६,०३६ जना
निको हुन बाँकीको संख्या – २४,९५६
आज सम्म मृत्यु हुनेको संख्या – ४३
آخر مستجدات فيروس كورونا في قطر
Latest update on Coronavirus in Qatarhttps://t.co/Il86Rjz8nX#سلامتك_هي_سلامتي #YourSafetyIsMySafety pic.twitter.com/F5LTMl2MdV— وزارة الصحة العامة (@MOPHQatar) June 2, 2020
कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।