कतारबाट तेश्रो उडानमा १ सय ५६ नेपाली स्वदेश फर्कदै

कोरोना भाइरस बाट रोकिएको उडानपछि विभिन्न समस्यामा परेका नेपालीको उद्दार उडान मार्फत १ सय ५६ नेपाली स्वदेश फर्किने भएका छन् ।

बिहिवार बिहान १:४५ बजे हिमालय एयरलायन्सको एच ९५६३२ को उडान मार्फत ती नेपालीहरुलाई स्वदेश फर्काइने दूतावासले जनाएको छ । दूतावासले आव्हान गरेको फारम भरेका मध्य पहिलो प्राथमिकतामा परेका उनी हरुको आज स्वदेश फिर्ती हुन लागेको जनाइएको छ । यस् उडानमा ८ महिला, दुई बालबालिका सहित् १४६ पुरुष रहेका छन् । उनिहरु बिहिवार नेपाली समय बिहान ९ बजे नेपाल पुग्नेछन् ।

यसपछि २७ तारिक कतारको मन्त्रालय बाट सफाई पाउने नेपालीहरुलाई नेपाल एयरलाइन्स बाट उद्दार गर्ने तयारी भईरहेको कतार स्थित नेपाली राजदुतावासका द्वितीय सचिव रिचा भट्टराईले क्युएन खबरलाई दिनुभएको छ । सो चौथो चरणको उडानका सम्भावित यात्रुहरुको सुची पनि दुतावासले प्रकाशित गरिसकेको छ ।

त्यस्तै कतारबाट पाँचौ उडानको नमावाली पनि प्रकाशित भएको छ तर उक्त उडानको मिति र समय भने तय हुन् बाँकी रहेको दूतावासले जानकारी दिएको छ ।