इजरायल र इरानबीचको तनावबाट उत्पन्न हुने सम्भावित सबै परिदृश्यका लागि कतार पूर्ण रूपमा तयार
इजरायली पक्षबाट दोहोरिने उल्लङ्घन र आक्रमणले क्षेत्रीय शान्ति प्रयासहरूलाई असर पार्ने र यसले क्षेत्रीय युद्धको जोखिम बढाउने देखिन्छ। यसैबीच, कतारले सम्भावित सबै परिदृश्यका लागि पूर्ण तयारी गरिसकेको छ। प्रधानमन्त्रीका सल्लाहकार तथा विदेश मन्त्रालयका आधिकारिक प्रवक्ता डा. माजेद बिन मोहम्मद अल अंसारीले इजरायल र इरानबीच हालै क्षेत्रमा देखिएको तनावबारे पत्रकार सम्मेलनमा यस्तो जानकारी दिए।
उनले भने, “इजरायल र इरानबीच हुने हालैको तनावबाट उत्पन्न हुने सम्भावित सबै परिदृश्यका लागि कतार पूर्ण रूपमा तयार छ। हामीले यसभन्दा पहिले पनि गम्भीर चुनौतिहरू सामना गरिसकेका छौं र विजयी भएका छौं।”
प्रवक्ताले यसबीच क्षेत्रमा समुद्री यातायात सामान्य रूपमा संचालन भइरहेको बताए। उनले तेल र ग्यास निर्यात पनि निर्बाध रूपमा जारी छ भने क्षेत्रमा रहेका अन्तर्राष्ट्रिय कम्पनीहरूको कारोबार पनि सामान्य छ।
उनले तनाव नरोकिएमा यसले नकारात्मक प्रभाव पार्न सक्ने चेतावनी दिँदै सबै पक्षलाई कूटनीतिक मार्फत विवाद समाधान गर्न आग्रह गरे।