आज ४९८ जनामा भाइरस देखियो

स्वास्थ्य मन्त्रालयले शनिबार ४९८ जनामा कोरोना भाइरसको संक्रमण देखिएको र ७०१ जनालाई निको भएको जानकारी दिएको छ । यो संगै कतारमा भाइरस संक्रमण पुष्टि भएको कुल संख्या १,०३,१२८ पुगेको छ ।

स्वास्थ्य मन्त्रालयको रिपोर्ट अनुसार  पछिल्लो २४ घण्टामा ४,३३१ जनालाई परिक्षण गरिएको थियो ।

कतारमा हालसम्म भाइरस बाट ज्यान गुमाउनेको संख्या १४६ रहेको छ र निको हुनेको संख्या ९८,९३४ पुगेको छ । सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।

गएको २४ घण्टा भित्रकाे तथ्यांक  

अस्पताल भर्ना भएका – ४३ जना

अस्पतालमा उपचार भैरहेका जम्मा – ६६१ जना

आईसीयुमा भर्ना भएका – ११ जना

आईसीयुमा उपचार भैरहेका जम्मा – १४१ जना

आज सम्म जाँच भएको संख्या – ४,०९,१९९जना

निको हुन बाँकीको संख्या : ४,०४८ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।