आज २३५ जनामा कोरोना भाइरसको संक्रमण,३ जनाको मृत्यु

स्वास्थ्य मन्त्रालयले शुक्रबार २३५ जनामा कोरोना भाइरसको संक्रमण देखिएको र २४२ जनालाई निको भएको जानकारी दिएको छ । यो संगै कतारमा भाइरस संक्रमण पुष्टि भएको कुल संख्या १,१०,६९५ पुगेको छ ।

भाइरसको कारण आज पनि ३ जनाको मृत्यु भएको छ । स्वास्थ्य मन्त्रालयको रिपोर्ट अनुसार  पछिल्लो २४ घण्टामा २,८०८ जनालाई परिक्षण गरिएको थियो ।

कतारमा हालसम्म भाइरस बाट ज्यान गुमाउनेको संख्या १७४ रहेको छ र निको हुनेको संख्या १,०७,३७७ पुगेको छ । सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।

गएको २४ घण्टा भित्रकाे तथ्यांक

अस्पताल भर्ना भएका – २९ जना

अस्पतालमा उपचार भैरहेका जम्मा – ४०६ जना

आईसीयुमा भर्ना भएका – २ जना

आईसीयुमा उपचार भैरहेका जम्मा – ७७ जना

आज सम्म जाँच भएको संख्या – ४,९५,३७७ जना

निको हुन बाँकीको संख्या : ३,१४४ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।