बार्सिलोना लज्जास्पद हार व्यहोर्दै च्याम्पियन्स लिगबाट बाहिरियो

एजेन्सी  – लज्जास्पद हार व्यहोर्दै स्पेनिस क्लब बार्सिलोना च्याम्पियन्स लिगको क्वाटरफाइनलबाट नै बाहिरिएको छ । बार्सिलोना गए राती बुण्डेस लिगा क्लब बायर्न म्युनिखसँग ८–२ को लज्जास्पद हार व्यहोर्दै च्याम्पियन्स लिगबाट बाहिरिएको छ ।

लिस्बोनमा भएको खेलमा पहिलो हाफमा चार गोल गरेको बार्यनले दोस्रो हाफमा पनि चार गोल थप्यो । बार्सिलोनाविरुद्ध बार्यनले चौथो मिनेटमै अग्रता लिएको थियो । थोसम मुलरले चौथो मिनेटमै गोल गरेर बार्यनलाई १–० को अग्रता दिलाए । बार्सिलोनाले सातौं मिनेटमा अल्बाको गोलबाट बराबरी गर्यो । त्यसपछि भने बार्सिलोना बायर्नको अगाडि निकै निरीह देखियो ।

बायर्नका लागि २१ औं मिनेटमा इभान पेरिसिकले र २७ औं मिनेटमा सर्गेइ ग्नाब्रीले गोल गरे । ३१ औं मिनेटमा मुलरले नै व्यक्तिगत दोस्रो गोल गरे । यसरी पहिलो हाफमा बायर्न ४–१ ले अगाडि रह्यो । ५७ मिनेटमा बार्सिलोनाका लागि सुअरेजले एक गोल गरे र खेललाई ४–२ को अवस्थामा पुर्याए । ६३ औं मिनेटमा किमिचले र ८२ औं मिनेटमा लेवान्डोस्कीले गोल गरे । यस्तै काउटिन्होले ८५ र ८९ औं मिनेटमा गोल गरे ।

सन् १९५१ पछि बार्सिलोना ६ भन्दा बढी गोल अन्तरमा पराजित भएको यो पहिलो पटक भएको बताइएको छ ।