थप २ जनाको मृत्युु,२७७ जनामा भाइरसको पुष्टि

गएको २४ घण्टामा २७७ जनामा कोरोना भाइरसको संक्रमण देखिएको र २४७ जनालाई निको भएको स्वास्थ्य मन्त्रालयले जानकारी दिएको छ । यो संगै कतारमा भाइरस संक्रमण पुष्टि भएको कुल संख्या १,१४,८०९ पुगेको छ ।

भाइरसको कारण आज २ जनाको मृत्यु पनि भएको छ । स्वास्थ्य मन्त्रालयको रिपोर्ट अनुसार पछिल्लो २४ घण्टामा ३,७६७ जनालाई परिक्षण गरिएको थियो ।

कतारमा हालसम्म भाइरस बाट ज्यान गुमाउनेको संख्या १९२ रहेको छ र निको हुनेको संख्या १,११,५०५ पुगेको छ ।

सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।

गएको २४ घण्टा भित्रकाे तथ्यांक

अस्पताल भर्ना भएका – ४९ जना

अस्पतालमा उपचार भैरहेका जम्मा – ४७८ जना

आईसीयुमा भर्ना भएका – ६  जना

आईसीयुमा उपचार भैरहेका जम्मा – ६९ जना

आज सम्म जाँच भएको संख्या – ५,४६,२८५ जना

निको हुन बाँकीको संख्या : ३,११२ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।