आज २५८ जनामा भाइरस देखियो,थप १ को मृत्यु

गएको २४ घण्टामा २५८ जनामा कोरोना भाइरसको संक्रमण देखिएको र २९१ जनालाई निको भएको स्वास्थ्य मन्त्रालयले जानकारी दिएको छ । यो संगै कतारमा भाइरस संक्रमण पुष्टि भएको कुल संख्या १,१७,२६६ पुगेको छ ।

भाइरसको कारण आज १ जनाको ज्यान पनि गएको छ । स्वास्थ्य मन्त्रालयको रिपोर्ट अनुसार पछिल्लो २४ घण्टामा ४,२९५ जनालाई परिक्षण गरिएको थियो ।

कतारमा हालसम्म भाइरस बाट ज्यान गुमाउनेको संख्या १९४ रहेको छ र निको हुनेको संख्या १,१४,०९९ पुगेको छ ।

सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।

गएको २४ घण्टा भित्रकाे तथ्यांक

अस्पताल भर्ना भएका – ३७ जना

अस्पतालमा उपचार भैरहेका जम्मा – ४४५ जना

आईसीयुमा भर्ना भएका – २ जना

आईसीयुमा उपचार भैरहेका जम्मा – ६७ जना

आज सम्म जाँच भएको संख्या – ५,९४,२१५ जना

निको हुन बाँकीको संख्या : २,९७३ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।