मेस्सी बार्सिलोनामा नै बस्ने

एजेन्सी; विश्वकै उत्कृष्ट फुटबलर लिओनल मेसी स्पानिस क्लब बार्सिलोनामा अनी बस्ने भएका छन् । यससँगै मेस्सीले क्लब छोड्ने अन्यौलता पनि हटेको छ र उनी बार्सिलोनामा नै बस्ने पक्का भएको छ । गत हप्ताको मंगलबार मेसीले क्लब छाड्ने घोषणा गर्दै पत्र पठाएका थिए ।

तर अबको नयाँ सिजनमा पनि उनले बार्सिलोनाबाटै खेल्ने भएका हुन् । करिब १० दिनको अन्यौलपछि उनले फेरि एक सिजन बार्सिलोनाबाटै खेल्ने निर्णयमा उनी पुगेका हुन् । बार्सिलोनामा मेसीको अझै एक सिजनका लागि सम्झौता बाँकी छ । उनको रिलिज क्लज ७०० मिलियन युरो तोकिएको छ । यही रिलिज क्लजको विषयमा क्लब र मेसीबीच मतभेद हुँदा मेसीले चाहेअनुसार क्लब छाड्न नसकेका द गोलले जनाएको छ ।

बार्सिलोनामा नै बस्ने भए पनि उनले क्लबका अध्यक्ष जोसेप मारिया बार्टोमेउसँग भने आफु असन्तुष्ट रहेको मेस्सीले बताएका छन् ।