आज २१७ जनामा भाइरस देखियो

कतारमा पछिल्लो २४ घण्टामा २१७ जनामा कोरोना भाइरसको संक्रमण देखिएको र २०७ जनालाई निको भएको स्वास्थ्य मन्त्रालयले जानकारी दिएको छ । आज भाइरस देखिएका मध्ये २०३ जना स्थानीय र १४ जना अन्य मुलुक बाट आएकाहरु हुन् । यो संगै कतारमा भाइरस संक्रमण पुष्टि भएको कुल संख्या १,२१,७४० पुगेको छ ।

स्वास्थ्य मन्त्रालयको रिपोर्ट अनुसार पछिल्लो २४ घण्टामा ५,१९२ जनालाई परिक्षण गरिएको थियो । कतारमा हालसम्म भाइरस बाट ज्यान गुमाउनेको संख्या २०५ रहेको छ र निको हुनेको संख्या १,१८,६८२ पुगेको छ ।

सरकारले संक्रमित र मृत्यु हुने नागरिकको राष्ट्रियता भने खुलाएको छैन ।

गएको २४ घण्टा भित्रकाे तथ्यांक

अस्पताल भर्ना भएका – ३७ जना

अस्पतालमा उपचार भैरहेकाको कुल संख्या – ४०८ जना

आईसीयुमा भर्ना भएका – ४ जना

आईसीयुमा उपचार भैरहेकाको कुल संख्या – ५० जना

आज सम्म जाँच भएको संख्या – ६,९१,०३१ जना

निको हुन बाँकीको संख्या : २,८५३ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।