कतारमा कोरोना : आज २०६ जनामा संक्रमण पुष्टि, ६७ वर्षीय नागरिकको मृत्यु
गएको २४ घण्टामा २०६ जनामा कोरोना भाइरसको संक्रमण देखिएको, २३२ जनालाई निको भएको र थप एक जनाको मृत्यु भएको स्वास्थ्य मन्त्रालयले जानकारी दिएको छ ।
आज भाइरस देखिएका मध्ये १९१ जना स्थानीय र १५ जना अन्य मुलुक बाट आएकाहरु हुन् । यो संगै कतारमा भाइरस संक्रमण पुष्टि भएको कुल संख्या १,२७,६०० पुगेको छ ।
स्वास्थ्य मन्त्रालयको रिपोर्ट अनुसार पछिल्लो २४ घण्टामा ५,३४७ जनालाई परिक्षण गरिएको थियो । कतारमा आज ६७ वर्षीय नागरिकको थप मृत्यु भए संगै संगै हालसम्म भाइरस बाट ज्यान गुमाउनेको संख्या २१९ रहेको छ र हाल सम्म निको हुनेको संख्या १,२४,५५९ पुगेको छ ।
सरकारले संक्रमित र मृत्यु हुने नागरिकको राष्ट्रियता भने खुलाएको छैन ।
गएको २४ घण्टा भित्रकाे तथ्यांक
अस्पताल भर्ना भएका – ३४ जना
अस्पतालमा उपचार भैरहेकाको कुल संख्या – ३५६ जना
आईसीयुमा भर्ना भएका – ४ जना
आईसीयुमा उपचार भैरहेकाको कुल संख्या – ५५ जना
आज सम्म जाँच भएको संख्या – ८,२०,३६८ जना
अझै निको हुन बाँकीको संख्या : २,८२२ जना
कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।