आज १४५ जनामा भाइरस देखियो,थप १ को मृत्यु

गएको २४ घण्टामा १४५ जनामा कोरोना भाइरसको संक्रमण देखिएको र १२३ जनालाई निको भएको स्वास्थ्य मन्त्रालयले जानकारी दिएको छ ।

आज भाइरस देखिएका मध्ये १०५ जना स्थानीय र ४० जना अन्य मुलुक बाट आएकाहरु हुन् । यो संगै कतारमा भाइरस संक्रमण पुष्टि भएको कुल संख्या १,४१,४१७ पुगेको छ ।

भाइरसको कारण आज एक जना ८४ वर्षीय व्यक्तिको ज्यान गएको छ । मन्त्रालयको  रिपोर्ट अनुसार पछिल्लो २४ घण्टामा १०,७६२ जनालाई परिक्षण गरिएको थियो । हालसम्म भाइरस बाट ज्यान गुमाउनेको संख्या २४२ रहेको छ र निको हुनेको संख्या १,३९,०४२ पुगेको छ ।

सरकारले संक्रमित र मृत्यु हुने नागरिकको राष्ट्रियता भने खुलाएको छैन ।

गएको २४ घण्टा भित्रकाे तथ्यांक

अस्पताल भर्ना भएका – २० जना

अस्पतालमा उपचार भैरहेकाको कुल संख्या – २२९ जना

आईसीयुमा भर्ना भएका – ० जना

आईसीयुमा उपचार भैरहेकाको कुल संख्या – १९ जना

आज सम्म जाँच भएको संख्या – ११,८०,०३८ जना

अझै निको हुन बाँकीको संख्या : २,१३३ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।